close
lagu-gereja.com/gkps
Gereja Kristen Protestan Simalungun

View : 1146 kali
Catatan Penting Tata Ibadah GKPS
Sabtu, 14 Oktober 2017

Tata Ibadah GKPS Kebaktian Minggu Model C


Kebaktian Minggu Model "C"    

1. VOTUM - INTROITUS - TONGGO

Paragenda : Ibagas goran ni Naibata Bapa, pakon Tuhan Jesus Kristus ampa Tonduy Na Pansing,

Kuria : Sitompa langit pakon tanoh on. Amen.

(Irik hujon, pilihon ma sada sibasaon marsibalos-balosan ronsi martonggo, hun bani: a, b, c)

a. Psalmen 23 : 1 - 6.

Paragenda (P) : Jahowa Siparmahan ahu.

Kuria (K) : Seng anjai hurangan ahu.

P:  Ipatudu do ahu bani sampalan na mombur.

K :  Anjaha itogu-togu do ahu hubani bah parsaranan.

P:  Ipahisar do tonduyhu.

K :  Itogu do ahu bani dalan hapintoran halani goran-Ni in.

P:  Age pe mardalan ahu bani lombang bagas ni hagolapan, seng mabiar ahu.

K:  Ai Ham do manghasomani ahu, tungkot-Mu pakon simambu-Mu do mangapohi ahu.

P:  Ham do mangidangi ahu i lobei ni munsuhku.

K :  Iminaki Ham do ulungku anjaha sirnip do panginumanku.

P:  Dear layak ampa idop ni uhur do mangirik-irik ahu sadokah goluhku.

K :  Janah sihol do marianan ahu i rumah ni Jahowa, sadokah ni dokahni.

P :  Haleluya

P+K :  (Mandodingkon) Haleluya, Haleluya, Haleluya.

P : Martonggo ma hita

Ham Jahowa Naibata ... Amen.

b. Psalmen 103 :1 - 6.

P: Puji ma Jahowa ale tonduyhu.

K: Anjaha hun bani gok ni uhurhu mamuji goran-Ni Na Pansing in.

P: Puji ma Jahowa ale tonduyhu.

K: Anjaha ulang ma halupahon ganup dear ni layak-Ni.

P: Ia do na manasap sagala dousamu.

K : Anjaha Ia na pamalumkon sagala naboritmu.

P: Na paluahkon goluhmu humbani hamagouan.

K : Na mansortalihon bam dear layak ampa idop iii uhur.

P: Na pabosurhon sura-suramu marhitei na madear.

K : Ase mulak bayu haposoonmu, songon manuk-manuk nanggordaha.

P : Jahowa na mambahen hapintoron.

K : Anjaha na pasintongkon uhum bani halak na hona dorun.

P : Haleluya

P+K : (Mandodingkon) Haleluya, Haleluya, Haleluya.

P : Martonggo ma hita

Ham Tuhan Naibata Bapanami ... Amen.

c.  Psalmen 93 : 1 - 4.

P :  Jahowa do Raja marpaheian hamuliaon.

K :  Marpaheian anjaha margondithon hagogohon do Jahowa.

P+K :  Tongon ipojonam do dunia on, anjaha seng anjai dugur.

P :  Totap do paratas-Mu hun bani na basaia.

K :  Hun bani mula ni mulani domma dong Ham.

P :  Marbanggal do bah, Ham Jahowa.

K :  Maling do pardosong ni bah, doras tumang do parhasakni.

P :  Gogohan marimbang parhasak ni bah banggal.

K :  Gogohan marimbang pargilumbang ni laut.

P + K :  Lobih markuasanan do Jahowa i nagori atas.

P :  Hasaksian-Mu, tongon do tarhatengerhon.

K :  Hapansingon do na patut bani rumah-Mu.

P + K :  Ham Jahowa, ronsi sadokah ni dokahni.

P :  Haleluya
P + K : (Mandodingkon) Haleluya, Haleluya, Haleluya.

P : Martonggo ma hita

Ham Jahowa, Naibata... Amen.

2. MANDODING

3. HASASAPAN NI DOUSA

Paragenda :  Riap ma hita jongjong!  Martonggo ma hita mansopotkon dousanta.

Ham Tuhan Naibata Bapanami, Na Pansing janah Pargogoh na so tarimbang. Na roh do hanami hu lobei-Mu ibagas unduk ni uhur, ampa mansopotkon dousanami na banggal in. Gati do hanami lang martenger ni uhur ha Bamu, maruhur sangsi janah gati do hanami taruyun bani na masa i tanoh on. Gati soya panghophoponMu in ibahen hanami, lang humbani gok ni uhurnami mangkaholongi Ham. Hapansingon pakon hasintongan-Mu pe gati do ipabutak hanami bani dirinami, aima halani hagalekon pakon hurang ni haporsayaonnami hu-Bamu. Bani haganupan dousanami in, marpangulaki ma uhur-Mu bennami. lbagas Jesus Kristus sihophop hanami.

................................ (Saat Teduh)

Riap ma hita mangindo!

Kuria : Ham Naibata, idop ma uhur-Mu bangku pardousa on.

Paragenda: Ham Tuhan Naibata, Paridop ni uhur ampa Parholong atei hu bani haganup jolma. Ihasiholi uhur-Mu do ase manggoluh hanami ibagas holong, damei ampa halayakon-Mu. Tapi gati do hanami lang mangasup mandalankon in bani goluhnami pakon dompak hasomannami. Hasadaon i tongah-tongahnami pe lape songon na hinarosuhkon-Mu. Buei do halak na hiranan bani buah-buah ni haporsayaonnami. Hajong-jongannami selaku garam pakon panondang, in pe gati lang ihagoluhkon hanami. Bani haganupan hahurangannami in, marpanganju ma Ham bennami.

................................... (Saat Teduh)

Riap ma hita mangindo!

Kuria : Ham Naibata, idop ma uhur-Mu bangku pardousa on.

Paragenda: Ham Tuhan Naibata Bapanami, simada kuasa ampa na gok hasintongan. Domma ipilih janah ipapansing Ham hanami marhitei Anak-Mu Jesus Kristus. Tapi gati do lang ihajongjongkon hanami pandiloon ampa parsuruh-Mu in. Pingkiran ampa horjanami an-an i pe, gati do lang songon na hinarosuhkon ni uhur-Mu idalankon hanami. Age pasu-pasu na binere-Mu in pe, gati do ibahen hanami gabe dalan manundalhon Ham. Ronsi tanggung-jawabnami laho manramotkon na tinompa-Mu marhitei na melestarihon lingkungan hidup, ai pe gati do lolei hanami. Bani haganupan panlaosionnami in, idop ma uhur-Mu, sasap Ham ma dousanami in.

..............................(Saat Teduh)

Riap ma hita mangindo!

Kuria:  Ham Naibata, idop ma uhur-Mu bangku pardousa on.

Paragenda: Tangar hita ma Hata ni Naibata, bagah-bagah pasal hasasapan ni dousa.

(Basaon ma sada bagian/ayat pasal Bagah-bagah hasasapan ni dousa, lanjar irik ihatahon.)

Hasangapon ma bani Naibata i babou.

P +K :  Amen.

4. MANDODING:

5. MAMBASA SIBASAON:

Paragenda : Tangar hita ma Hata ni Naibata na tarsurat bani .....(Hun bani Sibasaon ari/Minggu ai, iujungi marhitei hata):

Amen. Martuah do na anjaha na marimbagashonsi!

P +K :  Amen.

6. MANDODING

7. MANAKSIHON HAPORSAYAON/ACARA KHUSUS :

Paragenda :  Riap ma hita jongjong!

Saksihon hita ma haporsayaonta in, songon na sinaksihon ni haganup halak na porsaya bani sab tanoh on!

(Hun bani : Apostolicum atap Niceanum atap Athanasianum).

8. MANDODING :

9. TONGGO SYAFAAT PAKON TONGGO RIAP :

Paragenda :

Riap ma hita jongjong! Martonggo ma hita.

(Manonggohon na porlu/khusus)

Amen.

Riap ma hita martonggo marhitei tonggo na ni ajarhon ni Tuhan Jesus hu banta :

P + K : Ham Bapanami na i nagori atas .... Amen.

10. MANDODING :

11. AMBILAN:

12. MANGGALANG : (Model A)

13. TONGGO GALANGAN - PANUTUP/ PASU-PASU :

(Catatan: Lang pala dihut  tonggo "Ham Bapanami")














Selanjutnya:
Tata Ibadah GKPS Kebaktian Minggu Model D

Sebelum:
Tata Ibadah GKPS Kebaktian Minggu Model B

All Catatan Penting Tata Ibadah GKPS:

Tata Ibadah GKPS | TATA IBADAH JUMAT AGUNG Jumat, 10 April 2020

TATA IBADAH PARTONGGOAN KAMIS PUTIH Kamis, 9 April 2020

Download TATA IBADAH HUT PEMUDA GKPS 2017 (Natal Tuntunan) Rabu, 26 Desember 2017

TATA IBADAH MEMPERINGATI 500 TAHUN REFORMASI MARTIN LUTHER Minggu, 29 Oktober 2017

Download Liturgi Minggu Hari Bumi 16 April 2017

DOWNLOAD TATA IBADAH MINGGU PELAYANAN HUBANI NA LANSIA, MABALU, TADING MAETEK

Download Tata Ibadah GKPS Minggu UEM 2016 Indonesia

DOWNLOAD TATA IBADAH MINGGU PELAJAR GKPS 2016

DOWNLOAD TATA IBADAH MINGGU KEMITRAAN GKPS 2016

DOWNLOAD TATA IBADAH MINGGU PESTA SEKOLAH MINGGU GKPS 2016

DOWNLOAD TATA IBADAH HARI BUMI

DOWNLOAD TATA IBADAH PASSION GKPS 2016

DOWNLOAD TATA-IBADAH-MINGGU-WANITA-GKPS-2016

Download TONAH PIMPINAN PUSAT GKPS BANI HARI ULANG TAHUN PEMUDA GKPS 2015

DOWNLOAD TONAH NATAL PIMPINAN PUSAT GKPS TAHUN 2015

DOWNLOAD TATA IBADAH NATAL WANITA GKPS TAHUN 2015 TEMA: HITA DO SAKSI NI KRISTUS

DOWNLOAD TATA IBADAH NATAL SEKSI BAPA GKPS 2015 Tema: HITA DO SAKSI NI KRISTUS (Lahoan ni Apostel 1:8)

Download Tata Ibadah Natal Sekolah Minggu GKPS

DOWNLOAD TATA IBADAH HUT PEMUDA GKPS 2015 26 Desember 2015

DOWNLOAD TATA IBADAH NATAL PEMUDA GKPS 2015

Kebaktian Partonggoan Rumah Tangga Model C

Kebaktian Partonggoan Rumah Tangga Model B

Kebaktian Partonggoan Rumah Tangga Model A

Tata Ibadah GKPS Kebaktian Pandidion na Tarolos

Tata Ibadah GKPS Kebaktian Minggu Model E

Tata Ibadah GKPS Kebaktian Minggu Model D

Tata Ibadah GKPS Kebaktian Minggu Model C

Tata Ibadah GKPS Kebaktian Minggu Model B

Tata Ibadah GKPS Kebaktian Minggu Model A

BACAAN ALKITAB SETAHUN:

MENU UTAMA:
Alkitab GKPS - Padan Nabaru (PB)(61)
Alkitab GKPS - Padan Nabasaia (PL) (249)
Ayat-ayat Penting(4)
Buku Doding Haleluya(500)
Catatan Penting Tata Ibadah GKPS(30)
Khotbah GKPS 2016(16)
Khotbah GKPS 2017(12)
Khotbah GKPS 2018(12)
Liturgi GKPS(9)
Pembacaan Alkitab Gereja GKPS Tahun 2019(12)
Pembacaan Alkitab GKPS(3)
Tentang GKPS(2)

Arsip Catatan Penting Tata Ibadah GKPS..

Register   Login